Ինչո՞ւ են որոշ մարդիկ գիրքը համարում շատ խորը, մյուսները՝ դատարկ, իսկ մյուսները՝ խրթին։ Ինչո՞ւ, երբ վերընթերցում ես որևէ գիրք, միշտ հայտնաբերում ես մի բան, որը նախկինում չէիր նկատել։ Ինչո՞ւ է մեկը հասկանում իմաստի բոլոր երանգները, տեսնում տողերի արանքում թաքնվածը, լսում բառերի երաժշտությունը, զգում դրանց համը, գույնը և հոտը, մինչդեռ մեկը մնում է խուլ դրանց նկատմամբ։
Հեղինակի «ալիքին» միանալու և ավելին հասկանալու համար անհրաժեշտ է ակտիվ ընթերցանության ունակություն։ Հենց սա է պատճառը, որ Մորտիմեր Ադլերը՝ ամերիկացի փիլիսոփա, խմբագիր և ուսուցիչ, որն իր ամբողջ կյանքը նվիրել էր մարդկանց գրքերը սիրել և հասկանալ սովորեցնելուն (հետագայում նա ղեկավարեց «Բրիտանիկա» հանրագիտարանի խմբագրական խորհուրդը), գրեց իր գիրքը։
