Պատմության մեջ առաջին անգամ Երկրի վրա համակեցության մեջ են ապրում հինգ սերունդ՝ տարբեր հայացքներով, նախասիրություններով և վարքագծով։ Z և Alpha սերնդի ի հայտ գալով, ժամանակն է մարքեթինգի հաջորդ էվոլյուցիոն թռիչքի։
Աշխարհահռչակ մարքեթինգի գուրու Ֆիլիպ Կոտլերը, MarkPlus, Inc. առաջատար թվային փոխակերպման խորհրդատվական ընկերության փորձագետների հետ համատեղ, առաջարկում է գիտելիքներ առաջադեմ մարքեթինգային տեխնոլոգիաների օգտագործման վերաբերյալ, ինչպես նաև համապարփակ ուսումնասիրություն այսօր մարքեթոլոգների առջև ծառացած մարտահրավերների վերաբերյալ։
Ներսում դուք կգտնեք հետևյալ հարցերի պատասխանները.
· Որո՞նք են COVID-19-ի հետևանքները բիզնեսների համար։
· Ինչպիսի՞ն պետք է լինի հաջորդ սերնդի հաճախորդների փորձը։
· Ո՞ր տեխնոլոգիաներն են շարժելու Marketing 5.0-ը։
· Ինչո՞ւ, չնայած այն հանգամանքին, որ տեխնոլոգիան իր հաստատուն տեղն է գրավել մեր կյանքում, հենց մարդկությունն է, որ պետք է մնա Marketing 5.0-ի ուշադրության կենտրոնում։
· Գիտակցելով սա, ինչպե՞ս կարող են ընկերությունները խելամտորեն կիրառել մարդուն նմանակող տեխնոլոգիաները և ստեղծել եզակի արժեք սպառողների համար։
